CLAUSURADA A IV MOSTRA DE CUARTETOS TRADICIONAIS

O domingo 18 de novembro rematou a IV Mostra de Cuartetos Tradicionais celebrado en Marín e organizada pola Asociación de Gaiteiros. A Mostra incluiu exposicións, debates, conferencias e actuacións musicais, que, no presente ano, xiraron arredor do grupo “Os Tempranos de Eiris”, da Coruña.

Despois dun animado Xantar Gaiteiro, Pablo Díaz Carro e Pepe Temprano lembraron nunha conferencia este emblemático cuarteto coruñés. Pepe Temprano era fillo dun dos fundadores e sobriño doutro, polo que nun animado coloquio narrou moitas anécdotas e vivencias deste tradicional cuarteto que foi o primeiro da comarca das Mariñas.

Para rematar a velada Pepe Temprano cos gaiteiros do Grupo Eidos, deleitou ao público presente interpretando unhas pezas do repertorio do cuarteto Os Tempranos de Eiris e outras compostas por él mesmo.