As protagonistas desta formación son seis mulleres, de entre vinte e trinta anos, dando vida a contos, cantigas meigas e lendas cargadas de sabiduria popular. Seis pandereteiras e cantareiras que por medio da súa voz e axudadas cun anaco de coiro e ferros,  conseguen transportarnos a vida e tarefas diarias dos noso pais e abos. 

 

Estas mulleres están acompañadas de tres gaiteiros para preservar do olvido un patrimonio folclórico con selo propio, adaptando as súas pezas para transmitir a súa concepción, pero sempre sen desvirtuar a súa condición de tradicional.

 

Teñen participado na celebración de concursos, festivais e encontros musicais. Son moitos os concertos e intervencións realizadas a petición de varias agrupacións oleirenses, para poñer como guinda algunhas das mellores voces tradicionais galegas.

Tamén en Portugal coñecen a existencia destas mulleres, convidándoas a participar en festivais internacionais , sempre deixando o listón de Oleiros ven alto, sen pretensións de lucro soamente a recuperación das Aloias dos nosos antepasados.