Santaia | Santaia |
|
|
|
 Fundado no ano 1982, naceu no seo da Asociación de Véciños Santaia, de Santa Cruz, como un fillo máis dunha ampla familia sobradamente coñecida pola abundante actividade cultural, musical e social que realiza dende os seus inicios. Este é un claro exemplo da necesidade irrefreable dun grupo de veciños por saír da inactividade e do anonimato tentando saldar unha vella débeda histórica co noso pasado: a recuperación e conservación da música, o baile e as tradicións populares galegas.  Por iso, dende a súa fundación converteuse en escola permanente onde se pode aprender disciplina artística dende a transmisión dunha filosofía de vida baseada no amor polo propio, pola terra. Agora son máis de sesenta veciños, con idades comprendidas entre os catro e os sesenta e cinco anos, os que se soben a un escenario para interpretar as pezas dos nosos antergos espalladas pola xeografía galega ou a daqueles autores que están a conservar o espírito enxebre que escribe as nosas páxinas. O abano de instrumentos está composto por gaitas, tambor, bombo, pandeiretas e pandeiro. A vestimenta é unha loa á Terra das Mariñas con variacións de roupa, de festa e de labor.  A súa andaina internacional vén da man do país veciño, co que se realizan numerosos intercambios culturais. No 2000 visitaron o berce do folclore convidados pola Bagad Voulvriag, de Bourbriac, na Bretaña francesa. Unha actuación a pé de rúa durante a súa estadía alí deulles o pase de honra para pasear o nome de Oleiros polo norte de Italia representando a Galicia e convivindo con outras formacións significativas como Escocia ou a rexión alpina.Celebracións etnográficas, festas patronais, concursos ou festivais son ocasións excelentes para exhibir arte e intercambiar cultura.   O seu último logro é a gravacion dun CD titulado "Repichocas" baixo o proxecto Outra+Outra 2006 co patrocinio da Deputación da Coruña, a Fundación Paideia Galiza e o Estudio de Grabación Mans. Para coñecer mais desta agrupación podes entrar en: www.santaia.org Grupo de Baile e Gaitas SANTAIA Rúa Daniel R. Castelao, 13 – Baixo 15179 Santa Cruz (Oleiros - A Coruña) Teléfono 981 62 64 97 Esta dirección de correo electrónico está protegida contra los robots de spam, necesita tener Javascript activado para poder verla |
| < Anterior | Seguinte > |
|---|
